Стихи
Проза
Разное
Песни
Форум
Отзывы
Конкурсы
Авторы
Литпортал

Господи сил, с нами буди



Господи сил с нами буди

Исполняет   Людмила  Кондрашова
Звукозапись  Сергей  Терёшин

Господи сил с нами буди,
иного бо разве Тебе помощника в скорбех не имамы:
Господи сил, помилуй нас.

Хвалите Бога во святых Его, хвалите Его во утвержении силы Его.
Господи сил с нами буди:

Хвалите Его на силах Его, хвалите Его по множеству величествия Его.
Господи сил с нами буди:

Хвалите Его во гласе трубнем, хвалите Его во псалтири и гуслех.
Господи сил с нами буди:

Хвалите Его в тимпане и лице, хвалите Его во струнах и органе.
Господи сил с нами буди:

Хвалите Его в кимвалех доброгласных, хвалите Его в кимвалех восклицания: всякое дыхание да хвалит Господа.
Господи сил с нами буди:

Хвалите Бога во святых Его, хвалите Его во утвержении силы Его.
Господи сил, с нами буди:

Слава: Господи, аще не быхом святыя Твоя имели молитвенники,
и благостыню Твою милующую нас:
како смели быхом Спасе, пети Тя,
Егоже славословят непрестанно ангели?
Сердцеведче, пощади души наша.

И ныне: Многая множества моих Богородице прегрешений,
к Тебе прибегох Чистая, спасения требуя.
Посети немощствующую мою душу,
и моли Сына Твоего и Бога нашего,
дати ми оставление, яже содеях лютых,
едина Благословенная.

Всесвятая Богородице, во время живота моего не остави мене,
человеческому предстательству не ввери мя:
но Сама заступи, и помилуй мя.

Все упование мое на Тя возлагаю, Мати Божия,
сохрани мя под кровом Твоим.







Количество отзывов: 1
Количество сообщений: 1
Количество просмотров: 50
© 28.08.2020г. Сергей Терёшин
Свидетельство о публикации: izba-2020-2884185

Рубрика произведения: Песни -> Авторская песня


Лидия Ш.       26.09.2021   21:31:11

Не устаю слушать этот голос...
Сергей Терёшин       26.09.2021   21:43:49

Спасибо !

Добавить отзыв

0 / 500

Представьтесь: (*)  
Введите число: (*)  









1