ХАЛЬМГ ЦӘ


ХАЛЬМГ ЦӘ


Халун өдрлә күүг -
Хальмг цә сергәнә.
Цәәһин затин үнринь
Цуг хора эзлнә.
Җиң үвлин киитнлә -
Җомба седклд туста.
Халун дулаһан өгнә,
Хальмгудин цәнь әвртә!
Булгин уснас буслһад,
Бурхндан дееҗнь өргәд,
Буурл үстә теегтән,
Басл зальврх кергтә.
Үстә, тоста, давста -
Хальмгуд цәәдән дурта.
Уурнь көөҗ амсхла -
Хальмг цәәтн айта.
Кезәчн өткн цә -
Күүнд хотнь болна.
Цәәһән уусн күн -
Цаһан санаһан өмснә.
Хальмг үстә цәнь -
Хальмг зүркнд аршан.
Хальмг уурта цәнь -
Хөвнь, зөөрнь әмтнә.






Рейтинг работы: 0
Количество отзывов: 0
Количество просмотров: 14
© 09.11.2017 Шуурһна Раиса

Метки: #калмыцкий язык,
Рубрика произведения: Поэзия -> Стихи на иностранных языках
Оценки: отлично 0, интересно 0, не заинтересовало 0












1