Өврмҗтә цаг


Теңгрт үүлн нүүҗ йовна,
Теднә дор шовуд нислднә.
Тиим кевәр намр ирнә,
Тиим кевәр гейүринь орна.

Тогтун теегин өвсн хүврхлә,
Тагчг биш шовуд чашкурдна.
Тиим кевәр орчлңгин йиртмҗн
Тандан шин цаган күргүлнә.

Автн!.. Түүнә бәәсинь юминь,
Алтна өңгәрнь седклән дүүргцхәтн!
Арһул гүүҗ йовсн хурта,
Ардан хәләлго җирһәд йовтн.

...Намр, намр, өврмҗтә цаг!
Нанд дууһан шимлдхәд дуул.
Намаг намчар салькнд нисүл,
Нандан сергмҗән өгәд дурл.

03.10.17 г.





Рейтинг работы: 0
Количество отзывов: 0
Количество просмотров: 31
© 03.10.2017 Шуурһна Раиса

Метки: #калмыцкий язык,
Рубрика произведения: Поэзия -> Стихи на иностранных языках
Оценки: отлично 0, интересно 0, не заинтересовало 0
Сказали спасибо: 2 автора












1